========= ملاحظة: هذا العرض +18 =========
برعاية المفوضية العربية العليا للتنكيت عالواقف في أوروبا و ضواحيهاوالتعاون مع Aratok.com وبما إنه صرلنا سنة عم نستنى يخلص هالحجر وما كان يخلص، نعلن عن تاني مؤتمر ستانداب كوميدي بالعربي في اوروبا بعنوان "ستريم أب كوميدي 3 - زا هاوس إيديشن" علّها ان تكون البادرة العربية الأولى لجمع القوات الكوميدية العربية في اوروبا لتحرير العقل العربي من كل العادات والتقاليد البالية والأمراض النفسية والجسدية المترسبة في العقل الباطن لكل انسان عربي عاش وعاصر المصائب في بلاده.
هالمرة الكوميديانز الأشاوس رح يطلعوا لايف كل مين من بيته، شغلة جديدة ما حدا عملها من قبل -مو من شان شي بس لأنه ما عم يخلونا نسافر- عالعموم ... رح تنبسطوا خير الله
عسى ان يكون هذا المؤتمر هو الشعرة التي ستقسم ظهر البعير لكي نثبت للغرب ان الإنسان العربي هو مثل اي انسان في العالم و محنته الأولى والأخيرة هي تأثره بالوضع الإجتماعي والسياسي في بلده الأم و تسعى المفوضية ان تفتح صفحة جديدة للعرب في اوروبا ليتقبلوا فيها المزاح علنا ويثبتوا للغرب اننا لسنا ارهابيين بل نحن شعب يضحك حتى في اشد المحن.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بحياتك حضران أو حضرانة عرض ستانداب كوميدي؟
كان حلو ولا بايخ؟
بالعربي ولا بالإنجليزي؟
طيب لايف ولا أونلاين؟
طيب بتعرف أو بتعرفي إنه في شباب وصبايا من كل الوطن العربي عم يعملوا ستانداب كوميدي؟؟
شو عندكون السبت الجاية؟؟؟ بعرف .. كورونا ... يعني ما عندكون شي.... معناتا لازم تحضروا عرضنا "ستريم أب كوميدي" لايف من
نرجوا الدعم المعنوي والمادي للإستمرار بالعمل النبيل للمفوضية والتي تحلم يوما ما بشعب عربي موحد يضحك على كل النكت في العالم العربي والغربي.
يوم السبت 20 فبراير الساعة 7 المسا بتوقيت وسط أوروبا CET يعني 6 المسا بتوقيت غرينتش، 8 المسا بتوقيت دمشق و القاهرة و بيروت و عمان و .... بظن وصلت الفكرة ... المهم، رح تقدروا مو بس تحضروا، رح تقدروا تتفاعلوا مع الكوميديانز و تحكوا معهم خلال العرض!