ملهم أبو الخير

من مواليد دمشق 1988، درس بثانوية السعادة, بعدين بكلية اقتصاد جامعة دمشق, بعدها MBA بالافتراضية السورية، سافر على بيروت بعد الثورة, تعلم فرنسي و قدم على جامعات بفرنسا و اجته منحة بسنة 2014 ودرس ماجستير إدارة دولية للمشاريع الإقليمية, حس انو خلصت بسرعة .. ما شبع دراسة, صار يحاول يحقق الأحلام الصغيرة يلي كانت عنده, فدرس ماجستير سنيما, و عمل فيلم قصير مع مي سكاف الله يرحمها.. اشتغل محلل سينما و مسلسلات مع شركة فرنسية، وبعدها رجع درس EMBA بـ Luxuy managemnt بوحدة من أحسن مدارس الادارة بباريس ESSEC و بسبب هالجامعة درس بسنغافورة و ميلان .. عاش سنة 2019 بالمطارات واشتغل بشركة L'Oréal Paris بعدين اشتغل بتنظيم بطولة Roland Garros للتنس مع بنك BNP Paribas. ببداية ال2020 ترك وظيفته و بلش بمشروعين, لعبة Fantasy Tennis و ربح مسابقة.. وبما إنه كان عنده حب متل كل السورين للكنافة, وكانت أزمة الكورونا بلشت بفرنسا, اشترى مطعم أرجنتيني عم يفلس, و حوله لمطعم سوري صغير, La Maison du Knafé