4

جورج درس معلوماتية بسوريا بالقلمون قبل ما يسافر على بريطانيا مشان يكمل دراسة الماجستير بـ information Technology Management و اشتغل كـ software developer ببريطانيا بعد تخرجه، بس كتير كره فكرة الدوام من الـ 9 للـ 5 و حب ينطلق بمجال تاني لانه عنده اهتمام بالتعليم فقدم على منحة دكتوراه بمشروع اسمو Designing educational technology systems for and with refugee children و بلش المشروع مع الجامعة، و تضمن هالمشروع انه جورج سافر عاليونان لمدة 4 اشهر تقريبا و اشتغل فيها مع اللاجئين الاطفال و الكبار بشكل تشاركي لتصميم حلول تكنولوجية للتعليم. وهي كانت تجربة غنية جدا مليانة مواقف إنسانية منها المحزن ومنها المفرح. بعد تخرجه من الدكتوراه، جورج عم يشتغل بمشاريع تشاركية مشابهة بهدف توحيد الناس بمنطقة صراع تانية يلي هي مدينة Belfast in northern Ireland يلي فيها حرب اهلية قائمة حتى يومنا هذا ضمن بريطانيا و الناس ما بتحكي فيها كتير، هالشي عم يصير من خلال تصميم برامج و تجهيزات تساعد الناشطين انه يجمعوا بين الصغار و الناشئين من طرفي الصراع هنيك بحب السوشيال ميديا.

معروف عن جورج انه بناقش كتير وبيفوت بالتفاصيل لانه برأيه انه هاد دورنا كجيل سوري بالغربة قادر يحكي و يعبّر، ومن هون صار عند جورج اهتمام كبير بالكوميدي و مشان هيك عمل كورس مطوّل بالستاند اب كوميدي بلندن بمدرسة اسمها London school of comedy و عمل عروض بالانجليزي و عنده ماتيريال ضخمة بالانجليزي و العربي، و هدفه البعيد من الكوميدي هو انه تكون كوميديا اجتماعية و سياسية اكتر من اي شي تاني لانه مهم نلاقي طريقة نطرح فيها هالقضايا بس بنفس الوقت تضل الكوميدي مضحكة و تنسي الناس همومها. و جورج اليوم محاضر بجامعة اسمها University of Buckingham، و بيشتغل Consultant in User Experience for Projects in Belfast و بيعمل ستاند اب كوميدي وقت ما يكون في حجر. يعني متل الزبدية الصيني، من وين ما رنيته بيرن.