هادا يا سيدي كنا قاعدين عم نشرب شاي ....
يعني الصراحة مو شاي بس لا تدققوا
وعم ندخن سيجارة ....
الحقيقة كمان مو سيجارة .. المهم .. قلنا لبعض "العمى!!! معقول ما حدا قبلنا عمل هالعملة!!!" .. اتطلعنا ببعض عالسريع ونطينا وضبينا الشناتي وعبينا الفان الفولكسفاجن بنزين ونادينا لأبوجريج وقلنا "عليهم!!!"
باريس هالمرة رح تكون محطتنا من توور "2 كوميدي بلا حد" ورح نقدم عرض كله ماتيريال جديدة وأكيد فوق الـ18، يعني إذا عندك ولاد أو بتفكر متل الولاد يفضل تقعد مع ولادك بالبيت أريحلك وأريحلنا ...
فيا أهالي باريس الكرام!!!
العرض رح يكون بتاريخ 21 أيلول/سبتمبر 2021 بـ:
VOIE 15
397 rue de Vaugirard, 75015 Paris
Transport: M12, T3a - Porte de Versailles -
رح نبلش العرض الساعة 8 المسا بتوقيت باريس (توقيت وسط أوروبا CET)
رح نفتح الأبواب الساعة 7:30 المسا مشان اللي حابب يشرب أو ياكل شي ... أو بدو يروح يعمل بيبي
سعر البطاقة 16 يورو (قبل الـVAT) وبيتضمن مشروب غير كحولي
إذا مو قدرانين تحضروا لايف بتقدروا تحضروا أونلاين عن طريق منصة آراتوك وسعر البطاقة 4 يورو (قبل الـVAT)
احجزوا من هلأ لأنه الأماكن فعلا محدودة ويا مية أهلا وسهلا ... رايحين نشبّي فان الفولكسفاجن
